पोस्ट ऑफिसमध्ये उघडा बचत खाते; गुंतवणुकीतून मिळतील अनेक फायदे

तुम्ही भविष्यातील गोष्टींचा विचार करून गुंतवणूक करण्याचा विचार करत असाल, तर तुम्ही पोस्ट ऑफिसच्या बचत योजनांमध्ये गुंतवणूक करू शकता. या योजनांमध्ये तुम्हाला चांगला परतावा मिळतो. तसेच यामध्ये गुंतवलेले पैसेही पूर्णपणे सुरक्षित असतात. पोस्ट ऑफिस स्मॉल सेव्हिंग स्कीममध्ये पोस्ट ऑफिस बचत खात्याचा समावेश आहे.

व्याज दर किती?
पोस्ट ऑफिस बचत खाते सध्या वैयक्तिक आणि संयुक्त खात्यांवर वार्षिक ४.० टक्के व्याजदर देते.

गुंतवणूक रक्कम
पोस्ट ऑफिसमध्ये बचत खाते उघडण्यासाठी किमान ५०० रुपयांची गुंतवणूक करावी लागेल.

कोण उघडू शकते खाते?

एक किंवा दोन प्रौढ व्यक्ती पोस्ट ऑफिसमध्ये संयुक्त खाते उघडू शकतात. याशिवाय, अल्पवयीन व्यक्तीच्या वतीने पालक पोस्ट ऑफिसमध्ये खाते उघडू शकतात. या लहान बचत योजनेत १० वर्षांवरील अल्पवयीन व्यक्तीही स्वतःच्या नावावर खाते उघडू शकते.

काय आहेत वैशिष्ट्ये?

- पोस्ट ऑफिसमध्ये एक व्यक्ती एकच खाते उघडू शकते.

- १० वर्षांवरील बालक किंवा दिव्यांग व्यक्ती फक्त एकच खाते उघडू शकते.

- संयुक्त खातेदाराचा (जॉईंट अकाउंट होल्डर) मृत्यू झाल्यास हयात असलेला खातेदार हा एकमेव खातेधारक असेल. जर हयात असलेल्या खातेधारकाचे स्वतःच्या नावावर आणखी एक खाते असेल, तर त्याला संयुक्त खाते बंद करावे लागेल.

- या लघु बचत योजनेत एकल खात्याचे (सिंगल) संयुक्त खात्यात रूपांतर करता येत नाही. तसेच याच्या उलट करण्याला देखील परवानगी नाही.

Posted by : Nath E-Maha Seva Kendra मार्च १४, २०२२ Tags : पोस्ट ऑफिस , INDIA POST payment BANK , IPPB , Post Office

Subscribe by Email

Follow Updates Articles from This Blog via Email